Guddiga Horumarinta Adeegga Bulshada ee Golaha Shacabka Baarlamaanka Jamhuuriyadda Federaalka Soomaaliya ayaa shir ku yeeshay Xarunta Guddoonka iyo Guddiyada ee Villa Hargeysa, waxaana shir guddoominaysay Guddoomiyaha Guddiga Xildhibaan Nadra Saalax Cabdi.
Ugu horreyn, Guddoomiyaha Guddiga ayaa xubnaha guddiga warbixin ka siisay shuruucda laga doonayo guddiga inuu ka dalbado Wasaaradaha iyo Hay’adaha ay khuseyso inay soo gudbiyaan iyo sidoo kale shuruucda uu Guddigu qorsheynayo inuu diyaariyo inta lagu guda jiro Kalfadhiga 8-aad ee Golaha Shacabka.
Ugu dambeyn, Guddiga ayaa isku raacay in la dardargeliyo geeddi-socodka dib-u-eegista, diyaarinta iyo horumarinta shuruucda muhiimka u ah horumarinta adeegyada bulshada, si loo xoojiyo doorka Golaha ee sharci-dejinta, korjoogteynta iyo isla-xisaabtanka hay’adaha dowladda.
