Guddiga Joogtada Golaha Shacabka Baarlamaanka Federaalka Soomaaliya ayaa caawa kulankooda labaad ee kalfadhiga 7aad ku yeeshay xarunta Guddiyada Iyo Guddonka Golaha Shacabka.
Kulanka ayaa waxa ay uga wada hadleen shuruucda la taala ee Golaha Shacabka iyo sidii loo kala horumarin lahaa ama mudnaanta loo kala siin laha maalmaha la kala gelinayo shuruucda golaha hor yaala
Sidokale kulanka ayaa looga hadlay sidii shaqada Baarlamanka loo kordhin lahaa, islamarkana inta waqtiga Baarlamanka ka harsan loo dardar gelin laha Dastuurka kumeel gaarka ee Dalka
Kulanka Guddiga Joogtada Golaha Shacabka ayaa waxa Shir Guddominaayey Guddomiyaha Golaha Shacabka Baarlamaanka Federaalka Soomaaliya mudane Maxamed Mursal Sheekh Cabdiraxman iyo Guddomiye Ku-xigeenka Kowaad ee Golaha Mudane Cabduweli Sheekh Ibraahim Muuday
Kulanka marku soo dhamaaday Xoghayaha Golaha Shacabka ee Baarlamaanka Federaalka Soomaaliya mudane Cabdikarim Xaaji Buux ayaa Warbaahinta u sheegay in guddiga ay isku raaceen in lakala hormariyo sharciyada muhiim ah.
