Guddoomiyaha Aqalka Sare ee Baarlamaanka Jamhuriyadda Federaalka Soomaaliya Mudane Cabdi Xaashi Cabdullaahi ayaa dhammaan shacabka Soomaaliyeed ugu hambalyeeyay xuska sannad-guurada 63-aad ee ka soo wareegtay markii ay xoroobeen Gobollada Koonfureed iyo israacii labadii gobol ee Soomaaliyeed Waqooyi iyo Koofur, iyo ku dhawaaqistii Jumhuuriyadda xorta ah ee Soomaaliya.
Guddoomiye Cabdi Xaashi ayaa sheegay in ay muhiim tahay in la adkeeyo midnimada iyo wadajirka Ummadda Soomaaliyeedโ si looga miro-dhaliyo halgankii dheeraa ee loo soo maray xoriyadda Soomaaliya iyo sare u qaadista sharafka iyo karaamada dadka Soomaaliyeed isla markaana lagu wada noolaado nabad iyo barwaaqo.
