Gudoomiyaha Gobolka Banaadir ahna Duqa magaalada Muqdisho Mudane Cumar Maxamuud Maxamed (Cumar filish) ayaa galabta ka qeyb galay munaasabad uu xilka kula wareegayay Guddoomiyaha Cusub ee Degmada Shibis Mudane Cali Axmed Cabdulle.
Xafladda xilwareejinta oo ay ka qeyb galeen qeybaha bulshad, maamulka Degmada, xubno ka socday dowladda Federaalka iyo qaar ka mid ah Guddoomiyeyaasha Degmooyinka Gobolka Banaadir aya lagu qabtay xarunt Degmada Shibis.
Mas’uuliyiintii ka hadashay munaasabadda xil wareejinta ayaa waxa ay si wadajir ah u xuseen in dadka ku dhaqan Degmada Shibis ay yihiin bulsho Nabadda jecel, ayna diyaar u yihiin la shaqeynta Guddoomiyaha cusub.
Guddoomiyaha Degmada Shibis Mudane Cali Axmed Cabdulle.ayaa hoosta ka xariiqay in uu xoogga saari doono ka shaqeynta Nabadda, Horumarinta iyo isdhexgalka bulshada, isagoo bulshada ka codsaday inay la shaqeeyaan.
Guddoomiyaha Ururka Haweenka Gobolka Banaadir Jawaahir Baarqab ayaa tilmaamtay in shacabka degmada looga baahanyahay inay la shaqeeyaan Guddoomiyaha cusub.
Guddoomiyaha Gobolka Banaadir ahna Duqa Magaalada Muqdisho Mudane Cumar Maxamuud Maxamed (Cumar filish) ayaa kula dar daarmay Guddoomiyaha cusub ee degmada Shibis in uu si hufan u guto waajibaadka loo igmaday, loogana fadhiyo in uu dar dargeliyo howlaha horyaalla.
