Guddoomiyaha Gobolka Banaadir ee xafiiska sii baneynaya Mudane Yuusuf Xuseen Jimcaale (Madaale) ayaa Aqalka Dowladda Hoose ee Xamar kusoo dhoweeyay Guddoomiyaha cusub ee Gobolka Banaadir ahna Duqa Magaalada Muqdisho Mudane Maxamed Axmed Amiir.
Guddoomiyaha cusub ayaa Aqalka Dowladda Hoose ee Xamar kulan kula yeeshay guddoomiye ku-xigeennada Maamulka Gobolka Banaadir iyo Dowladda Hoose ee Xamar, isagoo sidoo kale kormeer ku tagay xarumaha kala ah Caafimaadka, Dad-dhigista, Gaadiidka, Gurmadka Deg-degga, Dhallinyarada iyo xarumo kale oo ka tirsan Waaxyaha Dowladda Hoose ee Xamar.
