Munaasbadaani oo ahey mid si heer sare ah loo sooย Agaasimay isla markaana lagu dooranayay Guddoomiyaha Dhallinyarada ee Degmada Gaalkacyo ee Dowlada Goboleedka Galmudug ayaa maanta lagu qabtay Gaalkacyo.
Munaasbadda Doorashada ayaa waxaa ka soo Qeyb Galay xubno ka tirsan Golaha Wasiirada Galmudug, Maamulka Gobolka, kan degmada iyo qeybaha Bulshada ee magaalada Gaalkacyo kuwasi oo lagu casuumay doorashada Guddoomiyaha iyo ku-xigeenka Ururka dhallinyarada ee Degmada Gaalkacyo.
Related posts
Qabashada Xilka Guddoomiyaha dhallinyarada ayaa waxaa isku soo taagay ilaa saddex Musharaxย inkastoo doorashada ka hor uu tanaasulay hal musharax, waxaana sidoo kale Guddoomiye ku xigeenka isku soo taagay ilaa laba Musharax, waxaana codeysay ilaa 15 dhallinyaro oo laga kala soo xulay afarta Xaafadood ee Magaalada Gaalkacyo .
Codeyn dheer kadib ayaa waxaa Guddoomiyaha Dhallinyarada ee Degmada Gaalkacyo ku guuleystay Suldaan Cabdi Jaamac Xabeeb isagoo helay 12 halka Shariif Maxamuud Sahal oo la tartamay uu isna helay saddex cod sida uu saxaafadda u sheegay Mustaf Cabdi Xaashi.
Guddoomiyaha Cusub ee dhallinyarada Degmada Gaalkacyo Suldaan Cabdi Jaamac Xabeeb ayaa shegay in uu ka shaqeyn doono horumarka Degmada Gaalkacyo.
Duqa Dagmada Gaalkacyo Xirsi Yuusuf Barre oo goob Joog ka ahaa Munaasabadda ayaa sheegay in ay soo dhaweynayaan isla markaana ay la shaqeyn doonaan Guddomiyaha cusub iyo ku-xigeenkiisa .
Wasiir ku xigenka Wasaarada Shaqada iyo shaqaalaha Galmudug Maxamed Nuur Diini ayaa soo dhaweyay sida ay u dhacday doorashada Guddoomiyaha iyo guddoomiye ku-xigeenka Degmada Gaalkacyo taaso jawi degan ku dhammaatay.
safiyo sheekh Cali
Safiyo Sheekh Cali
