Guddoomiyaha Gobalka Banaadir oo gaaray Suuqa Bakaaraha oo Dab uu ka kacay ayaa sheegay in loo baahanyahay in Waddooyin waaweyn loo furo Suuqa, si loogu guuleysto daminta dabka nuucaani oo kale ah.
Mudane Yuusuf Xuseen Madaale Guddoomiyaha gobolka Banaadir ahna duqa Muqdisho ayaa u tegay in suuqa bakaaraha in uu ka qeyb qaato daminta dab saaka salaaddii hore ka kacay suuqa Bakaaraha, kaasi oo geystay qasaare hantiyadeed, iyadoo aysan jirin wax dhimasho ah.
Afhayeenka Maamulka Gobolka banaadir Cabdifataax Cumar Xalane oo la hadlay Radio Muqdisho ayaa sheegay in lagu guuleystay daminta inta badan dabkii ka kacay suuqa Bakaaraha, waxaana uu intaa ku daray inay socdaan gurmad dhan waliba leh oo ku aadan sidii dabkaasi loo damin lahaa.
