Guddoomiyaha Golaha Aqalka Sare BFS Mudane Cabdi Xaashi Cabdullaahi ayaa ka qeyb galay xuska sanad guuradii shanaad ee aas aaska Akadeemiyo Goboleedka Afka Soomaaliga ee marka magacooda la soo gaabiyo loo yaqaan AGA oo lagu qabtay magaalada Muqdisho.
Ugu horeyn munaasibadda waxaa ka hadlay Maxamed Daahir Afrax Guddoomiyaha Akadeemiyo Goboleedka Afka Soomaaliga AGA oo mahadcelin u jeediyay Madaxweynaha Dalka Jabuuti Mudane Ismaaciil Cumar Geele oo intuu dalka bur burka ku jiray u istaagay noolaynta afka Soomaaliga.
ay kobcin iyo kor u qaadis ku hayaan afka soomaaliga ,
Xildhibaan Sahra Cumar Maalin ayaa sheegtay in Ururada Bulshada Rayidka door aan la iloobi karin ay ka qaateen munaasibadaha Afka Soomaaliga .
Goobta xuska AGA lagu qabanayay waxaa ka hadlay xubno ka socday Naadiyada Qorista, Aqoonyahano, Abwaano iyo marti sharaf kale kuwaasi oo ku dheeraaday ahmiyada ay bulshada u leedahay horumarinta Afka hooyo.
Ugu danbaytii ayaa xuska sanad guuradii 5aad ee aas aaska Akadeemiyo Goboleedka Afka Soomaaliga AGA waxa soo xiray Guddoomiyaha Golaha Aqalka Sare BFS Mudane Cabdi Xaashi Cabdullaahi waxa uuna ka hadlay goobaha ganacsi iyo iskuulada luqadaha afka qalaad lagu qorayo, isagoo soo jeediyay in loo istaago la shaqeynta mas’uuliyiinta Akadeemiye goboleedka Afka Soomaaliga ee AGA.
