Guddoomiyaha Golaha Shacabka Baarlamaanka Jamhuuriyadda Federaalka Soomaaliya, Mudane Sheekh Aadan Maxamed Nuur (Madoobe) ayaa hambalyo iyo bogaadin u diray Ciidanka Cirka Soomaaliyeed munaasabadda 63-sanno guuradii ka soo wareegtay markii dhidibada loo taagay Ciidanka Cirka Soomaaliyeed.
Guddoomiye Sheekh Aadan Madoobe, ayaa dhammaan saraakiisha, saraakiil xigeennada, qeybaha Kala duwan ee Ciidanka Cirka iyo qoysaskooda ugu hambalyey maalintan qiimaha badan ee ku weyn ummadda Soomaaliyeed, isagoona sheegay in ciidanka cirka ay kaalin muhiim kaga jiraan dowladnimadda dalka.
