Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheikh Adan Mohamed Nur Madobe,ayaa Munaasabadda Shaqaale Weynaha Adduunka ee 01 May 2023, awgeed hambalyo u diray dhammaan shaqaalaha Soomaaliyeed.
Guddoomiyaha Golaha Shacabka Baarlamaanka Jamhuuriyadda Federaalka Soomaaliya oo munaasabadda Maalinta Shaqaalaha Adduunka ee 1-da May awgeed, dhambaal hambalyo iyo boggaadin ah u diray dhammaan shaqaale weynaha Soomaaliyeed ayaa xusay in shaqaalaha Soomaaliyeed ay ku amaananyihiin doorka shariifka ah ay kaga jiraan dib u dhiska dalka iyo u adeegida shacabka Soomaaliyeed, iyaga oo ku tilmaaman hawl-karnimo, hufnaan iyo dhabar adayg.
Ugu dambayntii Guddoomiye Sheekh Aadan Madoobe oo shaqaalaha Soomaaliyeed ku tilmaamay in ay ku shaqeeyaan marxalado adag, iyagoo u soo dhabar adeygeen duruufo adag oo dalka soo maray, waqti maskax iyo xoogba galiyeen sidii ay kaalin weyn uga qaadan lahaayeen dib u dhiska dalka.
