Guddoomiyaha Golaha Shacabka ee BJFS Mudane Sheekh Aadan Maxamed Nuur Madoobe oo maalmihii lasoo dhaafay safar shaqo ugu maqnaa dalka Kenya ayaa maanta dalka dib ugu soo laabtay, waxaana Garoonka Diyaaradaha Caalamiga ah ee Aadan Cabdulle kusoo dhoweeyay Xildhibaano ka tirsan Golaha Shacabka ee Baarlamaanka dalka.
Guddoomiyaha Golaha Shacabka ee BJFS oo uu wehliyay Xoghayaha Guud ee Golaha Shacabka Cabdiraxmaan Maxamuud Cabdulle Jaabiri, waxaa uu inta uu joogay dalka Kenya uu ka qeyb galay kulankii 17-aad Guddoomiyaasha Baarlamaanada wadamada ku bahoobay Urur Goboleedka Iskaashiga Dhaqaalaha Bariga Africa (EAC) kaasoo lagu qabtay Magaaladda Nairobi.
