Guddoomiyaha golaha shacabka ee Baarlamaanka Federaalka ah ee Soomaaliya Mudane Maxamed Mursal Sheekh Cabdiraxmaan ayaa maanta la kulmay Guddiga Garsoorka, Awqaafta iyo Diinta ee Golaha Shacabka.
Related posts
Kulanka waxaa looga hadlay arrimaha Xajka, xaaladaha xabsiyada dalka, sharciyada Guddiga ay gacanta ku hayaan iyo qodobo kale.
Sidoo kale Guddiga ayaa Guddoomiyaha la wadaagay xaaladda ay ku sugan yihiin maxaabiista xabsiyada dalka ku xiran iyo xaaladda guud ee xabsiyada dalka.
Guddiga ayaa soo bandhigay jadwalka ay ku shaqeynayaan iyo kulamo ay la yeesheen qeybaha kala duwan ee bulshada.
Guddoomiyaha golaha shacabka ee BFS Mudane Maxamed Mursal Sheekh Cabdiraxmaan ayaa guddiga ku bogaadiyay howsha ay wadaan.
Guddoomiyaha ayaa guddiga faray in si deg deg ah loo xaliyo cabashada xujeyda Soomaaliyeed.
โKulankeena maanta waxa uu ahaa kulan muhiim ah, Xubnaha guddiga waxa kula dardaarmay iney si laba jibaaraan shaqooyinka ay hada hayaa, aad aya ugu qancay warbixinta ay ila wadaageenโ ayuu yiri guddoomiyaha golaha shacabka.
Kulanka waxaa goobjoog ka ahaa guddoomiye ku xigeenka labaad ee golaha shacabka Mudane Mahad Cabdalla Cawad iyo Habdhowraha golaha shacabka Mudane Maxamed C/llaahi Xasan (Nuux).
Ugu dambeyn guddoomiye Maxamed Mursal iyo guddiga aya si qoto dheer kaga hadlay sharciyada ay diyaarinaya guddiga iyo la xisaabtanka wasaaradaha guddigaan ay shaqada kala dhaxeyso.
