Wasiirka Amniga ee Koonfur Galbeed Soomaaliya Xasan Xuseen Maxamed ayaa sheegay in ciidamada darawiishta ee Koonfur galbeed ay wadaan qorshe ka dhan ah maleeshiyaadka Al-Shabaab kadib socdaal uu ku tegay degmada Qansax-dheere ee Gobolka Baay.
Wasiirka oo la hadlay Radio Muqdisho ayaa sheegay in socdaal uu maanta ku tegay Degmada Qansax-dheere uu kula kulmay ciidamada darawiishta, kuwaasi oo kula dar daarmay inay sii xoojiyaan howlgalka ka dhanka ah Al-Shabaab, isagoo intaa ku daray in ciidamada ay howlgallo ka sameeyeen meel waxyar u jirta Qansax-dheere halkaasi oo ay ku dileen horjooge Shabaabku u qaabilsanaa deegaannadaasi.
Wasiirka ayaa xusay in goor dhaw ay ciidamada fulin doonaan howlgallo ka dhan ah Argagixisada Al-Shabaab, kaasi oo noqon doono mid guud ahaan laga sameeyo deegaannada maamulka Koonfur Galbeed.
