GuGuddoomiyaha adda Maareynta musiibooyinka Qaran Mudane Mahamoud Moallim Abdulle,ayaa kulan la qaatay Safiirka dowladda Qatar danjiraha Abdullah bin Salem Al Nuaimi.
Kulankan oo ka dhacay xarunta safaaarada dowladda Qatar ee muqdisho ayaa waxaa looga hadlay doorka dowlada aan walaalaha nahay ee Qatar la tacaalida arrimaha abaaraha, Gargaarka iyo Mashaariicda Hormineed ee dalka ka wadaan sidii loo laba jibaari lahaa garab istaag shacabka Soomaaliyeed, Sidoo kale Hay’adda Sodma ayaa dowladda Qatar iyo Safiirka ka dalbatay in ay ka Caawiyaan Hay’adda Hormarinta Xarunteed Gurmadka Degeg oo ah xarun ka shaqeeysa Xaaladaha guud ee Gurmadka Deg dega ah ee dalka ka jira, una noqon laheed mid la jaan qaada Xarumaha Gurmadka Degeg kale ee Geeska Afriga.
Dowladda Qatar iyo Hay’addaheeda ka shaqeeyo arrimaha binaadanimada ayaa mudo dheer ka shaqeynayay gudaha dalkeena ayagoo dadaal badan geliyay la tacaalida arrimaha abaaraha, sidoo kale fuliyay mashaariic horumarineed.
Safiirka dowladda Qatar ee Soomaaliya danjiraha Abdullah bin Salem Al Nuaimi, ayaa sheegay Xiriirka ka dhaxeeya Dowladaha Qatar iyo Soomaaliya uu yahay mid wanaagsan oo soo jireen ah, sidoo kalan xusay in Dowlada Qatar marwalba Dalka Soomaaliya kala qayb qaadan doonto xaaladaha adag ee Binaadanimo ay dalka jirto.
Ugu danbeeyn Gudoomiyaha SoDMA Muadane Mahamoud Moallim Abdulle ayaa dowlada Qatar kaga mahadceliyay garab istaag shacabka Soomaaliyeed, waxaa uuna ka codsaday in ay sii wadaan dadaalkooda iyo garab istaagooda maadama ay dalka jirto xaalad adag oo binaadanimo.
