Guddoomiyaha Hay’adda Qaxootiga iyo Barakacayaasha Qaranka Marwo Safiyo Xasan Maxamed ayaa magaalda Nairobi uga qeyb gashay shir Caalami ah oo ku saabsan horumarinta jawiga maalgashiga iyo xoojinta dhaqaalaha qaxootiga soo laabtayaasha, barakacayaasha iyo bulshooyinka martida loo yahay.
Shirka ayaa waxaa kasoo qeyb galay hay’adaha caalamiga iyo kuwa heer gobol ee daneeya arrimaha qaxootiga, soo laabtayaasha iyo barakacayaasha.
Guddoomiyaha Hay’adda Qaxootiga Barakacayaasha Qaranka Marwo Safiyo Xasan Maxamed ayaa uga warbixisay ka qaybgalayaasha qaabka dowladda Soomaaliya ay u wajaheyso wax ka qabashada arrimaha qaxootiga, soo laabtayaasha iyo barakacayaasha, iyada oo loo sameynayo maalgalin, xoogan shaqo abuur iyo horumarinta kaabayaasha dhaqaalaha kaasi oo lala kaashanaayo hay’adaha caalamiga iyo kuwa heer gobol ee daneeya arrimaha qaxootiga, soo laabtayaasha iyo barakacayaasha.
Sidoo kale Gudoomiye Safiyo ayaa sheegtay kaalinta ay ku leeyihiin shirkadaha iyo Bangiyada gaarka loo leeyahay horumarinta, maalgalinta iyo Shaqo abuurka qaxootiga, soo laabtayaasha iyo barakacayaasha.
Shirka oo socon doona muddo afar maalin ah waxaa xooga lagu saari doona sidii loo yareeyn lahaa shaqo la’aanta iyo duruufaha ay wajahayaan qaxootiga, soo laabtayaasha iyo barakacayaasha wax looga qaban lahaa.
