Guddoomiyaha Hay’adda Maareynta Musiiboyinka ee SoDMA, Mudane Maxamuud Macalin Cabdulle ayaa maanta magaalada Muqdisho ka furay shir watashi ah oo muddo 2-cisho ah socon doona, kaas oo looga hadlayo hagidda iyo iskuduwidda ka jawabista xaaladaha degdegga ah.
Kulankan waxaa si wadajir ah u soo qaban-qaabiyay Hay’adda Maareeynta Musiibooyinka [SoDMA], Wasaaradda Shaqada iyo Arrimaha Bulshada XFS iyo Barnaamijka Cuntada Adduunka ( WFP).
Shirkan waxaa lagu casuumay qaar ka mid ah Wasaaradaha XFS, Wasaaradaha gargaarka dowlad goboleedyada dalka, Ururrada taageera Soomaaliya, Hay’adaha caalamiga ah iyo Ururrada Bulshada Rayidka ee dalka.
Kulankan ayaa la filayaa in ay ka soo baxaan talooyin ku habboon kabka ka jawaabista xaaladaha dagdegga ah, iyadoo loo marayo habka illaalinta bulshada sida sameeynta Istaraatijiyadda ka jawaabista khataraha ee Ilaalinta bulshada.
