Guddoomiyaha Hay’adda Maaraynta Musiibooyinka Qaranka Mudane. Maxamuud Macallin Cabdulle, ayaa safar shaqo maanta ku tagay magaalada Dhuusamareeb.
Garoonka diyaaradaha magaalada Dhuusomareb waxaa kusoo dhoweeyay wasiirka wasaaradda Gargaarka Galmudug mudane Cabdiraxmaan Maxamed Diiriye ( Makaawi).
Socdaalka uu ku tegay guddoomiyaha hay’adda SoDMA Caasimadda Galmudug, ayaa ku qotoma sidii xaruumo ka shaqeeya gurmadka deg degga ah looga hirgelin lahaa dhammaan Dowladdaha Xubnaha ka ah Dowladda Federaalka.
Inta uu ku sugan yahay magaalada Dhuusamareeb guddoomiyaha waxaa uu kulamo kala duwan la qaadan doonaa madaxda dowladda Galmudug oo uu ugu horreeyo Madaxweyne Axmed Cabdi Kaariye ( QoorQoor).
