Guddoomiyaha Hay’adda Maaraynta Masiibooyinka Mudane Maxamuud Macallin ayaa kulan la yeeshay wakiillo ka socday Qaramada Midoobay, oo uu horkacayay ku-xigeenka Ergeyga Qaramada Midoobay ee Soomaaliya, George Conway.
Kulanka ayaa looga hadlay xaaladda abaaraha, qorshaha ka jawaabista baahiyaha beni’aadannimo ee 2025, iyo xoojinta wada-shaqeynta hay’adaha gargaarka iyo SoDMA.
Dhinacyadu waxay isku raaceen in la qabto shir guud oo looga hadlayo sidii looga jawaabi lahaa baahiyaha dadka nugul, iyadoo dhaqaale loogu uruurinayo dadka dhibban. Guddoomiyaha SoDMA ayaa dhinacyada ku boorriyay in la xoojiyo dadaallada kaalmeynta danyarta iyo wada-shaqeynta hay’adaha gargaarka.
