Gudoomiyaha Hay’adda Maareynta Musiibooyinka Qaranka Mudane Maxamuud Macallim Cabdulle ayaa maanta xafiiska ku qaabilay Wasiirka wasaaradda Tamarta iyo Kheyraadka Biyaha Xukuumadda Federaalka Soomaaliya, Mudane Jaamac Taqal Cabaas.
Guddoomiyaha iyo Wasiirka ayaa ka wada hadlay sidii ay wasaaradda Tamarta iyo Kheyraadka Biyaha iyo Hay’adda SoDMA ay iskaashi iyo wada shaqeyn dhow u yeelan lahaayeen, gaar ahaan isdhaafsiga xogaha iyo ka hortaga Fatahaadaha si loo yareeyo saamaynta abaaraha, fatahaadaha iyo iswaafajinta dadaalada xarumaha hortabinta ka digista ee saadaasha roobabka iyo biyaha ee labada dhinac.
Kulanka ayaa diiradda lagu saaray sidii loo heli lahaa hanaan is waafqasan oo lagu yareeynayo saamaynta abaaraha iyo fatahaadaha iyo sidii loo xoojin lahaa arrimaha ku saabsan xalka waara iyo u adkeysiga aafooyinka.
Ugu Danbeeyn Wasiirka Wasaaradda Tamarta iyo Kheyraadka Biyaha ayaa soo kormeeray qeybaha ay Hay’adda SoDMA ka koobantay oo ay ka mid yihiin Xarunta Howlgallada Gurmadka Deg degga iyo Xarunta Ka digista halis-wadareedka.
