Guddoomiyaha Hay’adda maareynta Musiiibooyinka Qaranka Mudane Maxamuud Macallim Cabdulle, ayaa maanta Xarunta Dhexe ee Hay’adda Maareynta Musiibooyinka Qaranka kulan kula yeeshay Agaasimayaasha Isbitaaladda Magaaladda Muqdisho.
Kullankan oo uu shir guddoomiyey Guddomiyaha Hay’adda Maareynta Musiibooyinka, ayaa looga hadlay, is xog wareeysi guud ee Musiibaddii ka dhacday Isgooyska Soobe 29-kii October,2022, caqabadihii laga bartay Musiibaddii Soobe laba , iyo in xariir wanaagsan ay yeeshaan Hay’adda Maareynta Musiibooyinkka Qaranka iyo Isbitaaladda Muqdisho.
Qaar ka mid ah Agaasimashaasha shirka ka soo qeyb qalay ayaa uga xog waramay caqabadihii aay kala kulmeen Qaraxyaddii Soobe iyo baahiyaha ay Isbitaaladu qabaan.
Qaar ka mid ah howlwadeenada Hay’adda SoDMA gaar ahaan qeybta howlgallada Gurmadka Degdega,ayaa warbixin guud ka bixiyey Gurmadkii ay Hay’adda Maareynta Musiibooyinka Qaranka qabatay laga bilaabo maalintii uu qaraxu dhacay ilaa hadda ay wali shaqada gurmadka ay socoto.
Ugu dambeyn, Guddoomiyaha Hay’adda Maareynta Musiiboyinka Qaranka Mudane Maxamuud Macllim Cabdulle oo uu wehliyo Guddomiye ku-xigeenka Hay’adda Maareynta Musiibooyinka Dr. Axmed Cabdi Aadan, ayaa xusay in ay lagama maarmaan tahay in Hay’adda SoDMA iyo Isbitaaladdu wada shaqeyn xoogan yeeshaan, si loo maareeyo musiibo kasto oo timaado, Sidoo kalane u mahadceliyey dhamaan Isbitaaladda magaalada Muqdisho oo shaqo adag u qabtay Shacabkii Soomaaliyeed ee ku dhibaatoobay Musiibaddii Soobe laba.
