Guddoomiye Ku-xigeenka 2aad ee Golaha Shacabka BJFS Mudane Cabdullaahi Cumar Abshirow iyo Xildhibaanno ka tirsan Golaha ayaa magaalada Nairobi ee dalka Kenya uga qeybgaley shir ku saabsan Cimilada Qaaradda Afrika.
Sidoo kale shirkan ka soo qaybgalayaashiisa waxaa ka mid ahaa Guddoomiyeyaasha Baarlamaannada Afrika iyo xildhibaannada Goleyaashooda.
Inta uu socday shirka waxaa aad loogu lafa-guray dhaqangelinta go’aannada ka soo baxa Baarlamaanka Afrika iyo talooyinka siyaasadda Cimilada iyo sinnaanta Afrika.
Shirkan ayaa hordhac u ah Shirka Madaxweynayaasha Qaaradda Afrika oo looga hadli doonno Cimilada Afrika, kaa soo ka dhici doono isla magaalada Nairobi ee dalka Kenya.
