Guddoonka Golaha Shacabka Jamhuuriyadda Federaalka Soomaaliya ayaa ka tacsiyadeeyey geerrida ku timid Allaha u naxariistee Danjire C/laahi Aw-Saciid Cusmaan oo ku geeriyooday dalka Mareykanka.
โINAA LILAAHI WA INAA ILEEYHI RAAJICUUN hor iyo horaan aniga oo ku hadlaya magaceyga, magaca guddoonka iyo magaca Xildhibaannada Golaha Shacabka waxaan halkaan tacsi uga dirayaa Danjire C/laahi Saciid Cusmaan oo horey u ahaa safiirka dowladda Soomaaliya ee QM oo ku geeriyooday dalka Mareykanka waxaan Alle uga baryayaa in naxariistiisa jano uu siiyo, sidoo kalena carruurta, qoyska iyo guud ahaan dadka Soomaaliyeed ee marxuumka uu ka geeriyoodayna waxaan Alle uga baryayaa in uu samir iyo iimaan ka siiyo โ ayuu yiri Guddoomiyaha Baarlamaanka Federaalka Soomaaliya Mudane Maxamed Sheekh Cusmaan โJawaariโ.
Related posts
Danjire C/laahi Saciid Cismaan, wuxuu ka soo noqday dawladii Sooomaaliya 1966 ilaa 1976-dii garyaqaankii qaranka iyo agaasimihii guud ee Wasaaradda Cadaalada, Allaha u naxariistee ka dib wuxuu noqday sanadkii 1976 Ergayga joogtada ah ee Qarmada Midoobay u qaabilsanaa Soomaaliya Geneva.
Ambassadorka ayaa sidoo kale wuxuu ahaa ergaygii Soomaaliya u fadhiyay xarunta Qaramada Midoobay ee ku u taal magaalada Newyork ee dalka Mareykanka.
Marxuumku isaga oo matalaya Soomaaliya wuxuu u tartamay kuna guulaystay ku- xigeenka Xoghayaha Guud ee Ururka Midowga Afrika sanadkii 1991 -1996kii.
INAA LILAAHI WA INAA ILEEYHI RAAJICUUN
