Gudoomiye ku xigeenka Labaad ee Golaha Shacabka Jamhuuriyadda Federaalka Soomaaliya Mudane Mahad Cabdalla Cawad ayaa siminaar sare loogu qaadayo aqoontooda uga furay magaalada Kigali ee Caasimadda dalka Rwanda Guddiga Garsoorka, Awqaafta iyo Arrimaha Diinta ee Baarlamaanka Federaalka Soomaaliya.
Siminaarkan oo ay oo ay taaba gelineyso hay’ad fadhigeedu yahay dalka Germany ayaa waxaa lagu baranayaa arrimaha Garsoorka Dalka iyo isbar bar dhig lagu sameynayo arrimaha Garsoorka dalalka Caalamka si gaar ah waxaa diiradda loogu saaray sameynta Maxkamadda Dastuuriga ah iyo sida ay u wajaheen dalalka Caalamka maadaama hada ay ka mid tahay waxyaabaha laga dhowrayo sharciga lagu sameynayo Guddiga Garsoorka ee Baarlamaanka Federaalka Soomaaliya.
Gudoomiye ku xigeenka Labaad ee Baarlamaanka Mudane Mahad Cabdalla Cawad oo khudbad ka jeediyey furitaanka siminaarkan ayaa ugu horeyn ku booriyey Guddiga Garsoorka ee Baarlamaanka jney ka faa’ideystaan waqtigooda inta lagu guda jiro siminaarkan loona baahan yahay iney si hufan u eegaan sharciyada garsoor ee aynu isaga mid nahay dalalka kale ee Caalamka waxaana uu Guddiga xasuusiyey howsha adag ee hortaala fulinteeda gaar ahaan sharciyada lagama maarmaanka u ah hiigsiga 2016ka.
Guddiyada Joogtada ah ee Baarlamaanka Federaalka Soomaaliya ayaa igu inta badan xiliyada fasaxa uu ku jiro Golaha Shacabka waxa ay tababarro aqoontooda sare loogu qaadayo kusoo qaataan dalka dibaddiisa ayadoo aqoon kororsiyadaasi inta ugu badan ay ka taageeraan Baarlamaanka Federaalka Soomaaliya hay’addo ay ugu horeyso hay’adda Association of European Parliamentarians with Africa (AWEPA) .
