Hayadda Maareeynta Muusiibooyinka Qaranka ayaa daah-furay Barnaamijka ud-xiyada ee hilib qaaybinta ee Ciid Al-Adxaa qoysas ka danyarta ee ku nool gobalka Banaadir.
Masuuliyiin ka tirsan hay’adda Muslim world League, gaar ahaan madaxa hay’adda ee Soomaaliya Ustad_Karam iyo Agaasimaha Waaxda Gargaarka ee SoDMA Marwo Sahro Cali Yusuf ayaa ka qeybgalay daah-furka mashruucan.
Mashruuca udxiyada ee qaybinta hilib xoolaha ayaa loogu talagalay in ay ka faa’iideystaan 8,500 qoys oo danyar ah inta lagu guda jiro maalmaha ciidda.
Furitaanka maalmahan koowaad iyo labaad ayaa lagu daah furay 4,500 qoys oo danyar ah si ay ugu udxiyeestaan maalmaha Ciidda.
Agaasimaha gargaarka ee Hayadda SoDMA Marwo Sahra Cali Yuusuf ayaa uga mahadceliyay hay’adda Muslim World League howlaha shacabka Soomaaliyeed ay ku caawinayaan, maantana aan si wada jir ah u daah fureeno mashruuc udxiyada ee qaybinta hilibka xoolaha oo ay ka faa’iideeysan doonaan 8,500 qoys oo danyar ah.
Agaasime Sahra ayaa sidoo kale xustay ka Hayadda SoDMA ahaan in marwalba isku howleyso ka shaqeeynta gargaarka qaybihiisa kala duwan ee lagu gaarsiinayo shacabka Soomaaliyeed, lana sii wadi doono ka farxidda danyarta Soomaaliyeed maalmaha Ciidda.
