Heshiis hor dhac ah oo ka kooban 12-qodob ayaa laga gaarey dagaal beeleedkii ka dhacayay degaanka Xananbuurre ee Gobolka Galgaduud.
Odayaasha ayaa saxiixey heshiiskan oo gogol xaar u noqonaya in mudo 7-maalmood gudohood ah la isugu keeno beelaha walaalaha ah, iyadoo lafilayo in dhinacyadu kawada hadlaan mashaqadii ka dhalatey dagaalkii dhowr iyo tobanka casho socdey ee ka dhacey Deegaanka Xananbuurre.
Related posts
Heshiiskan oo ay garwadeen ka ahaayeen, wasiir Kuxigeenka Wasaaradda Warfaafinta Soomaaliya Craxmaan Al-cadaala, Xildhibaan Cabdixakiin Macalin Axmed iyo mas’uuliyiinta Galmudug oo ay hoggaan u aheyd Wasaaradda Arimaha Guddaha, Faderaalka iyo dib u heshiisiinta oo ay Wehliyaan odayaasha labada dhinac ayaa u dhignaa sidatan.
1. Odoyaasha Dhaqanka ee labada dhinac waxaa ay ka xun yihiin colaadii foosha xumeyd ee dhex martay waxaana ay ka tacsiyadeynayaan khasaarihii ka dhashay oo naf iyo maal lahaa.
2. Waxaa la isla gaaray xabbad joojinta buuxda oo shuruud laโaan ah taas oo ka hirgasha dhammaaan degaanada ay colaaddu gaartay.
3. Xabbad joojintan waxaa ay ka wada dhaqane galeysaa dhammaan degaanada labada beel wada degaan ee ay colaadu saameysay.
4. In laga fogaado wax kasta oo xabbad joojinta wax u dhibi kara ficil iyo hadal intaba si loo soo celiyo kalsoonida bulshada.
5. In deegaanka Xananbuure dib loogu celiyo dadkii shacabka ahaa ee ka barakacay si nololshu ay caadi ugu soo noqoto.
6. Cidii jabisa xabbad joojinta waxaa loo aqoonsanayaa qaswade, waxaana ciidanka amnigu fasax u qabsan in ay ka qaadaan tilaabada ku haboon.
7. Waxaa la dhisay gudi ka kooban 15 xubnood oo ka kala imaanaya beelaha uu dagaaalku dhex maray iyo xubno ka socda DG Galmudug.
8. Laga bilaabo 13/02/2021 waxaa ka mamnuuc ah deegaanka Xananbuure in lagu dhex wato hubka waaweyn iyo midka yar yar iyadoo cidii Lagu arko ay ciidamada amnigu amar u heystaan in ay kala wareegaan hubka, qofka watana ay ka qaadaan tilaabada ku haboon.
9. Gaadiidka gaarka loo leeyahay Ee lagu ogaado inuu ka qeyb qaadanaayo ficilada nabadgalyada lidka ku ah waxaa uu wajihi doonaa ciqaabta ku haboon.
10. Laga bilaabo maanta 13/02/2021 qofwalba oo geysta fal dambiyeed waxaa odoyaasha labada beel waajib ka saaranyahay inay soo qabtaan eedeysanaha iyagoo gacan ka helaya ciidanka amniga.
11. Muddo 7 beri gudahood ah waxaa la dhigi doonaa gogol dib u heshiisiineed oo ay labada beel kuwada hadlaaan si looga heshiiyo dhamaan waxyabaha sababay dagaalka.
12. Waxgaradka iyo odoyaasha labada dhinac waxaa ay u mahad celinayaan cid kasta oo heshiiskan gacan ka geysatey.
