Wararka ka imaanaya magaalada Guriceel ee gobolka Galgaduud ayaa sheegaya in heshiis hor u dhaca laga gaaray dagaalkii ka dhacayay deegaankaasi kadib markii maanta guddiggii dhex dhexaadinta ay la kulmeen labadii dhinac ee dhirirtu u dhexmartay magaalada Guriceel ee bartmaha Soomaaliya.
Guddoomiyaha guddigga loo xilsaaray daminta colaadda Guriceel Maxamed Axmed Caalim Madaxweynihii hore ee maamulka Galmudug ayaa sheegay in maanta ay la kulmeen labadii garab ee ku dagaalamay magaalada Guriceel isla markaana ay ka codsadeen in ay xabadda joojiyaan taasina ay ka ogolaadeen.
Guddiggan oo ka kooban 32 xubnood ayaa waxaa laga soo saaray shirka dib u heshiisiinta ah ee hadda ka socoda magaalada Dhuusa Mareeb ee xarunta gobolka Galgaduud kuwaas oo maanta gaaray magaalada Guriceel oo maalintii shalay dagaal culus ka dhacay.
