Hogaamiyaha Kuuriyada Waqooyi Kim Jong Un, ayaa ku amray saraakiishiisa Ciidanka in ay u diyaar garoobaan dirida Dayax gacmeedkii ugu horeeyay ee sahan milatari ah.
Kim ayaa amarkan ย bixiyay kadib kormeer uu maalin ka hor ku tagay wakaaladda horumarinta hawada sare ee Kuuriyada Waqooyi, iyada oo Pyongyang ay ballan qaaday in ay dhamaystirayso diyaargarow loogu jiro dirista Dayax-gacmeedkan, inta lagu jira dhammaadka bishan, sida lagu sheegay warbixin ay baahisay Wakaaladda Wararka ee Yonhap.
Related posts
Intii lagu guda jiray booqashada, Kim waxa uu carrabka ku adkeeyay muhiimadda ay dalkiisa u leedahay horumarinta hawada sare, si uu dalkiisa ugu mid noqdo dalalka horumarka ka gaaray Hawada sare.
Bishii Disembar ee sanadkii la soo dhaafay, Kuuriyada Waqooyi ayaa faafisay sawirro madow iyo caddaan ah oo laga soo qaaday qeybo ka mid ah Seoul iyo deked ku taalla meel 27 kilomitir ka xigta galbeed caasimadda Kuuriyada Koofureed, kuwaas oo la sheegay in luga soo qaaday Satellite tijaaba ah oo ay leedahay Kuuriyada Waqooyi .
