Haweenka Soomaaliyeed ayaa taageeray go’aan Dowladda Soomaaliya ay dalka kaga saartay ergaygii gaarka ahaa ee Qaramada Midoobey Soomaaliya Danjire Niclos Haytam.
Shir jaraaid oo ay si wada jir ahay ugu qabteen Hoggaanka Ururka Haweenka Soomaaliyeed Xafiiskooda dhexe ee magaalada Muqdisho ayey ku tilmaameen go’aanka Dowladda tallaabo lagu farxi karo oo muujinaysa dib u soo kabashada ka hana qaadday Soomaaliya.
Madaxda Ururka Haweenka Qaranka ayaa ku tilmaamay tallaabadaas dalka lagaga ceyriyey Nicholos Haysom mid aan laga maarmi karin oo muhiim u ahayd muujinta madaxbannaanida iyo dowaldnimada Soomaaliya, maadama uu la yimid dhaqan quursi ah oo gaf ku ah dadka Soomaaliyeed.
Hormuudka Haweenka Soomaaliyeed ayaa ugu baaqay siyaasiyiinta iyo dhammaan qeybaha kale ee dadka Soomaaliyeed in ay meel iska dhigaan khilaafaadka iyo is afagaran waaga dhexdooda ah markii ay arrinta taagan tahay ilaalinta karaamada iyo midnimada dadka iyo dalka Soomaaliyeed.
