Ciidamada Ammaanka Dowlad goboleedka Jubbaland ee ku sugan Degmadda Dooloow ee Gobolka Gedo, ayaa waxaa isku soo dhiibay Horjooge sare oo ka tirsan Nabad diidka Kooxda Argagixisada ah ee Alshabaab, kaasi oo sheegay in Kooxdaasi uu isaga tagay dhibaatooyin fara badan oo uu kala kulmay Awgeed.
Horjoogaha Ciidamada Ammaanka isku soo dhiibay, ayaa waxaa lagu magacaabaa Aadan Ibraahim, waxaana uu kamid ahaa Horjoogeyaashaย Nabad diidka Argagixisada Alshabaab u qaabilsan dhanka Howlgalada iyo Aruurinta Lacagta baadda ah ee Shacabka ay ka qaadaan.
Related posts
Horjooge Aadan Ibraahim, ayaa mar uu ka hadlayey sababihii uu isku soo dhiibay, waxa uu sheegay in Kooxda Alshabaab hadda dhexdooda uu ka jiro kala shaki aad u weyn, islamarkaana ay bilaabeen inay is dilaan dhexdooda, dhibaato kala duwanna loo geysto dhalinyaro badan oo Kooxdaasi daacad u ah, ย isaggoo xusay inuu u dulqaadan waayey Xasuuqa ay u geysanayaan dadka Shacabka ah ee aan waxba galabsan.
Aadan Ibraahim, ayaa tilmaamay in dhibaatooyinka kor ku xusan iyaddoo ay jiraan, cabsi badanna uu ka qabay inuu Dowladda isku soo dhiibo ay soo gaartay in Madaxweynaha Jamhuuriyadda Federaalka Soomaaliya, Mudane Maxamed Cabdullaahi Farmaajo uu markale Cafis u fidiyey dhalinyaradda kamidka ah Nabad diidka, si ay isku soo dhiibaan, fursadaasna uu ka faaโiideystay, sidaasna uu ku yimid degmadda Dooloow ee Gobolka Gedo.
Taliyaha Ciidanka Nabad sugidda Degmadda Dooloow oo Warbaahinta la hadlay, ayaa sheegay kuwa ka tirsan Nabad diidka ee kaย faaโiideysanaya Cafiska Madaxweynaha ay soo dhoweynayaan, waxaana wali kuwa ku harsan Kooxda Alshabaab uu ugu baaqay inay fursadda dowladda ay ka faaโiideystaan.
