RADIO MUQDISHO: Howlgallo culus oo ka dhacay xaafadda Howlwadaag ee degmada Aadan Yabaal, gobolka Shabeellaha Dhexe, ayaa lagu burburiyay labo xarumood oo Khawaarijtu ay u adeegsan jireen diyaarinta gaadiidka dagaalka iyo kaydka hubka.
Mid ka mid ah xarumaha la beegsaday ayaa lagu soo waramayaa inay ku jireen gaadiid lagu diyaariyay waxyaabaha qarxa, waxaana la arkayay xaruntaasi oo si daran u gubanaysa markii lagu burburiyay howlgal bartilmaameed ah.
Hawlgalkan ayaa waxa uu ka mid yahay hawgallada qorsheysan ee ay dawladda Soomaaliya dalka kaga sifeyneyso kooxaha khawaarijta ah, gaar ahaan meelaha kooban ee ay kaga sugan yihiin dalka.
