Hawlwadeeno ka tirsan qeybta iibka iyo maaliyadda ee Waaxda Maamulka iyo maaliyadda Wasaaradda Qorsheynta, Maalgashiga iyo Horumarinta Dhaqalaaha Xukuumadda Federaalka Soomaaliya ayaa waxa maanta kulan aqoon kororsi ah oo socon doono muddo saddex maalin ah uga furmay xarunta Wasaaradda.
Kulanka ayaa waxa furay Ku-simaha Agaasimaga Guud, Mudane Maxamed Dubo Maxamed, iyadoo uu goobjoog ahaa Agaasimaha Maamulka iyo Maaliyadda, Mudane Aadam Qaasim Qaanuuni.
Ujeeddada ugu weyn ee aqoon-kororsigan ayaa ah in la dardargeliyo, lana tayeeyo hawlaha muhiimka ah ee waaxda si loogu guuleysto natiijooyin aad u wanaagsan iyo in la horumariyo waxqabadkeeda guud. Saddexda maalin ee uu socon doono tababarkan waxa kale oo dib loogu eegi doonaa Qorshe hawleedka sanadlaha ah ee Waaxda ee lixdii bill ee la soo dhaafay ee sanadkan 2023-ka.
