Wasaaradda Gaadiidka iyo duuliska hawada ayaa qalab lagu maamulo cimilada dhanka duulimaadka waxaa ay kala wareegtay Urur goboleedka IGAD.
Munaasabad qalabkaasi lagula wareejinayay wasaaraddaasi ย ayaa waxaa ka qeybgalay wasiirka wasaaradda Gaadiidka iyo duulista hawada, wasiir ku xigeenka wasaaradaasi, maareyahaya heyโada duulista iyo saadaasha hawada, masuuliyiin ka socotay ururu gobeleedka IGAD iyo marti sharaf kale.
Urur goboleedka IGAD ayaa dowladda Soomaaliya ugu deeqay qalabkan, waxaana qalabka ku wareejiyay wasiirka gaadiidka iyo duuliska hawada Soomaaliya Dr. ย Guuleed Cartan oo ah agaasimaha hawada iyo beeraha ee urur goboleedka IGAD oo uu wehliyay wakiilka IGAD u qaabilsan Soomaaliya Maxamedย Cabdi Afay.
Maareeyaha heyโadda duuliska saadaasha hawada ee Soomaaliya,C/waaxidย Axmed ayaa sheegay in qalabkaasi uu faa’iidooyin badan u leeyahay la socodka dhanka duulimaadka.
Dr Guuleed Cartan, oo ah agaasimaha hawada iyo beeraha urur goboleedka IGAD ayaa sheegay in aysan noqon doonin markii u dambeysay oo ay qalab ku caawiyaan heyโadaha Soomaaliya, isagoo sidoo kale xusay in ay tababaro siin doonaan shaqaalaha qalabkan casriga ah ku shaqeyn doon.
Sidoo kale wakiilka uruka IGAD u qaabilsan Soomaaliya Maxamed Cabdi Afey, ayaa sheegay in Soomaaliya ay guul weyn u tahay in ay hesho qalab laga hago hawada Soomaaliya ee dhanka duulimaadka, isagoo tilmaamay in ay IGAD gacan ka geysan doonto xoojinta saadaasha hawada Soomaaliya..
Mudane Cali Axmed Jamac Jangeli, wasiirka gaadiidka iyo duuliska hawada Soomaaliya ayaa urur goboleedka IGAD ugu mahadceliyay taageerada ay u fidiyeen dowladda Soomaaliya, waxaana uu sheegay in qalabkan uu wax badan ku soo kordhin doono la socodka cimilada dhanka duulimaadka.
dowlada Soomaaliya ayaa gacanta ku heyso maamulida hawada Soomaaliya, iyadoo 20-kii sano ee lasoo dhaafay ay gacanta ku heysay heyโadda qaramada mdioobay u qaabilsan dhanka duulimaadka rayid ah ee loo soo gaabiyo ICAO.
