Kaaliyaha dhinaca Siyaasadda u qaabilsan madaxweynaha Iiraan, Ibrahim Ra’isi, ayaa mas’uuliyadda weerarkii shalay ka dhacay gobolka Kerman ee koonfurta Iiraan ku edeeyay Washington iyo Tel Aviv.
Ku xigeenka madaxa arrimaha siyaasadda xafiiska madaxweynaha Iiraan, Muhammad Jamshidi, ayaa bartiisa “X” ku soo qoray “ hadalka Washington ee ah in Mareykanka iyo Israa’iil aysan wax door ah ku lahayn weerarkii Kerman, ayaa caddeey noogu filan, Mas’uuliyadda dambigan waxaa iska leh Mareykanka iyo Sahyuuniyadda.” .
Madaxda Iiraan ayaa isku si u sheegay in weerarkan uu ahaa mid argagixisanimo, iyagoo ku hanjabay inay jawaab adag ka bixin doonaan.
Tirada dadka ku dhintay labadii qarax ee shalay lala beegsaday gobolka Kerman ee koonfurta Iiraan, ayaa gaaray 95 ruux, sida lagu sheegay tirokoobkii ugu dambeeyay.
