Ciidamada Xoogga Soomaaliyeed iyo dadka degaanka oo is kaashanaya ayaa dilay ku dhawaad 100 maleeshiyaadka Khawaarijta ka tirsan ka dib howlgal qorsheysan oo ciidamada ay ka fuliyeen degaanka Ceeldheere ee gobalka Shabeellaha Dhexe.
Wasiir ku xigeenka Wasaaradda Warfaafinta, Dhaqanka iyo Dal xiiska xukuumadda Fedaraalka Soomaaliya Cabdiraxmaan Yuusuf Al-Cadaalla, ayaa sheegay in howlgalkaasi lagu laayay 100 ka mid ah maleeshiyaadka Khawaarijta.
Howlgalka oo ahaa mid qorsheysan ayaa lagu beegsaday maleeshiyaad gaaraya 200- oo katirsan Khawaarijta oo ay kujireen 12-horjooge, sidokale Gaadiid iyo hub fara badan ayaa lagala wareegay Khawaarijta.
Ciidanka Xoogga dalka Soomaaliyeed iyo kuwa degaanka ayaa hadda gacanta ku haya degaanka Ceeldheere ee gobalka Shabeellaha Dhexe.
