Ka dib markii ciidanka Yuhuuda ay xireen masjidka Barakeysan ee ALAQSA ayaa daraasiin Falastiiniyiin ahi banaan bax cabasho ah ka dhigeen agagaarka Masjidka, hase yeeshee ciidanka amniga Israel ayaa dadkaas kala ceyriyay markii sida ay sheegeen lagu weeraray Mindiyo.
Booliiska ayaa ka hor istaagay in dadka Muslimiinta ah gudaha u galaan Masjidka ALAQSA xilliga salaada cisha.
Related posts
Madaxweynaha Falastiin Maxamuuud Cabaas ayaa cambaareeyay xiritaanka Masjidka ALAQSA, waxaana Isreal ugu baaqay in ay dib u furaan Masjidka.
Waxaa uu intaa ku daray talaabo kasta wax lagaga bedelayo qaabka goobaha cibaadada waxaa ay keeni kartaa in ay xaaladda sii xumaato ayuu sheegay madaxweyne Cabaas.
Talaabada Isreal ay ku xirtay Masjidka ayaa la sheegay in ay ka dambeysay markii mid kamid ah askarta ilaalada ka ah halkaas Mindi lagu weeraray.
30 sano jir ah Carab Isreali ah ayaa isku dayay in uu mindi geliyo mid kamid ah saraakiisha booliiska uu joogay albaabada mid kamid ah Masjidka ALAQSA, kaas oo ugu dambeyntii ciidanka ay toogasho ku dileen Jimcihii gelinka dambe, sida uu soo wariyay wargeyska maalinlaha ah ee Haaretz.
Dhanka kale, xoghayaha guud ee QM Antonia Guters ayaa Isreal ugu baaqay in ay ka dul qaadaan ciidanka militiriga dadka shacabka ah ee degan magaalada Gaza iyo deegaanada kale.
Mr Guters, ayaa sheegay in loo baahan yahay in ciidan QM hoos taga la geeyo dhulka Falastiin si looga hor tago in xaalada sii xumaato.
Arrintan uu soo jeediyay Guters ayaa u baahan in ay meel mariyaan golaha ammaanka ee QM hase yeeshee dowladda Mareykanka oo si weyn Isreal u taageerta ayaa laga yaabaa in ay diidmada qayaxan i adeegsato qorshahan.
