Isra’iil ayaa ku dhawaaqday inay gebi ahaanba go’doominayso Marinka Qasa, taasoo la micno ah inay ka jarayso cunnada, biyaha, korontada iyo dhamaanba adeegyada lagama maarmaanka u ah noolasha.
Magaalada Qasa oo ay ku nool yahiin ku dhawaad Laba Milyan oo ruux ayaa waxaa maamula kooxda Xamas oo hadda dagaal kula jirta Isra’iil.
Dhimashada labada dhinac ayaa sii kordheysa, iyada oo weli ay dagaallada ka sii socdaan halkaas.
Saraakiisha caafimaadka ee Falastiiniyiinta ayaa sheegay in dhowr iyo toban Falastiiniyiin ah, oo ay ku jiraan Haween iyo Carruur, lagu dilay duqeyn ay Isra’iil ay shalay galinkii danbe ka geysteen xerada Jabaliya
Saraakiisha caafimaadka ayaa intaas ku daray in dad ka badan 500 oo qof ay ku dhinteen dagaalladaii ugu dambeeyey, halka 120,000 oo qofna ay guryahooda ka carareen.
