Boqolaal dhallinyaro ah ayaa isugu soo baxay qaar kamid waddooyinka Muqdisho, kuwaas oo socod ku yimid Taalada Daljirka Dahsoon ee Degmada Boondheere, waxaana ujeedka banaanbaxa uu ahaa mid ay dhallinyarada Caasimadda ku taageerayeen howlgallada uu Maamulka Gobolka Banaadir kula dagaalamayo ka ganacsiga iyo isticmaalka Maandooriyaha.
Guddoomiyaha Dhallinyarada Gobolka Banaadir Cabdikaafi Maxamud Makaraan oo Warbaahinta la hadlay ayaa u mahadceliyay dhallinyarada isugu soo baxday Waddooyinka Magaalada si ay u muujiyaan dareenkooda ku aadan muhiimadda ay bulshada u leedahay in laga hortago Maandooriyaha, kaas oo halis ku ah xasiloonida Dalka iyo mustaqbalka Dhallinyarada.
