Guddoomiyaha g1obolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa maanta degmada Kaaraan uga qeyb galay ololaha wacyigalinta ka hortagga isticmaalka Maandooriyaha oo si guud uga socda Caasimadda.
Munaasabadan ayaa waxaa goob joog ka ahaa Guddoomiyeyaasha degmooyinka iyo Deegaannada Gobolka Banaadir, Agaasimayaal ka tirsan dowladda hoose ee Xamar, saraakiil Amni iyo qeybaha bulshada rayidka.
Duqa Magaalada Muqdisho Mudane Cumar Filish ayaa ugu baaqay bulshada gobolka Banaadir in ay si mideysan ugu hortagaan isticmaalka iyo ka ganacsiga Maandooriyaha oo halis ku ah horumarka iyo xasiloonida Caasimadda.
