Dalkeennu waxa uu soo maray sanado badan oo colaado ah, kuwaas oo na daxalsiiyay burbur laxaad leh oo saameeyay dhammaan qeybaha nolosha.
Rubuc qarni nabad gelyo la’aan ah ka dib hadda waxaa muuqda ifafaale nabadeed, waxaana caadi ku soo noqonaya noloshii taas oo ay ugu wacan tahay nabad gelyada ka soo raynaysa.
Hay’adaha ammaanka sida booliska,nabad sugidda iyo milateriga ayaa dadaal badan ku bixinaya inay sugaan ammaanka dalka,ayna ka takhallusaan nabad diidka iyagoo si joogto ah u fuliya howl gallo lagu xaqiijinayo ammaanka muwaadinka Soomaaliyeed.
Hay’adaha ammaanka ka sokow waxaa jira mas’uuliyad bulshada ka saaran sugidda amniga
Haddaba waa maxay kaalinta bulshada kaga aaddan xoojinta iyo dhowrista amniga ee mowqifka shareecada ee arrintaas ku aaddan, waa mowduuca aan toddobaadkan kaga hadleyno barnaamijka Tubta Toosan oo uu marti noogu yahay Sheikh Muuse Macallin Cagaweyne.
Halkan ka dhageyso barnaamijka
