Kalfadhiga lixaad ee baarlamaanka Federaalka ah ee Soomaaliya ayaa lagu wadaa in uu si rasmi ah u furmo berito, kaddib markii mudaneyaasha ay u dhamaatay waqtigii fasaxa, ayna horyaalaan arrimo badan oo muhiim u ah geedi socodka hiigsiga cusub.
Xildhibaan Cilmi Maxamuud Nuur oo ka mid ah mudaneyaasha baarlamaanka Federaalka ah ee Soomaaliya oo la hadlay Radio Muqdisho ayaa tilmaamay in kalfadhiga lixaad ee baarlamaanka lagu wado in beri oo Isniin ah, taariikhduna ay ku beegantahay 27-ka bisha April uu ka furmo xarunta Golaha shacabka.
Related posts
βWaa kalfadhigii lixaad ee uu baarlamaanka sameeyo waaye, runtii ajandayaal badan ayaa baarlamaanka horyaalla, waxaana rajeynayaa in howlo badan oo sanadka 2016-ka quseeya ay soo saaraan, runtii shir guddoonka ayaa soo gudbin doono waxyaabaha mudnaanta la siin doono, marka waxaan idin xaqiijinayaa in kalfdhiga uu beri si rasmi ah u furmi doonoβ ayuu yiri Xildhibaan Cilmi.
Xildhibaanka ayaa xusay in kalfadhiga uu kolhore dib u dhacay, isla markaana maalinta beri ah lagu wado in uu si rasmi ah u furmo, ayna mudaneyaasha guda geli doonaan qorshe howleedka u degsan sanadkan.
