Khasaaraha ganacsi ee caalamka kasoo gaaraya markabka noocaย kunteenarada xanbaara ah oo ku caariyay marinka Suweys (Canal Suez) ee isku xira Badda Cas Iyo Badda Mediterranean-ka yaa waxa lagu qiyaasaya lacag u dhiganta hal bilyan oo doolar taasi oo la micna ah (toban kun oo milyan) maalintii ama $400 oo milyan saacaddiiba.
Boqolaal markab oo badeecado u kal siday waddama kala duwan ayaa afarti maalmood ee u dambeeysay ku xayiran marinka Suweys.
Related posts
Kanaalka Suweys Dalka Masar, waxa sanadkii kasoo gala cashuurta maraakiibta isticmaasha marinkan Suwees dakhli lacageed ooย lagu qiyaasay $5.6 bilyan sanadkii.
Wargeyska The Times ayaa tilmaamtay in saarida markabkan xamuulka ah ee xiritaanka marinka Suweys ay qaadan karto todobaadyo, taasoo horseedi doonta xiisad dhanka maraakiibta caalamiga ah iyo suurta galnimada yaraanta guud ahaan badeecadaha.
Xaaladda ciriiriga ayaa laga yaabaa inay ka hortagto dib u soo celinta konteynarrada faaruqa ah ee Aasiya, sidaas darteedna waxaa arrinta uga sii daray khalkhalka maraakiibta halkaasi isaga kala gooshta.
Markab laga leeyahay dalka Taiwan oo lagu magacaabo Evergreen Marine ayaa subaxnimadii Talaadada ee Toddobaadkii lasoo dhaafay ku soo caariyay dhinaca koonfureed ee kanaalka.
Tirokoobyada ayaa tilmaamaya in ku dhowaad 19 kun oo markab ay soo mareen kanaalkan ย sanadkii la soo dhaafay kuwaa oo siday xamuul ka badan hal bilyan oo tan.
