Khawaarijta Al Shabaab waxay kala Go’doomiyeen Walidiinta Soomaaliyeed iyo Caruurta ay dhaleen kuwaas oo maskaxda ay ka xadeen una adeegsadaan arbushaada ay ka wadaan dalka.
Dhalinyarada ay qaldeen khawaarijta markii ay ku daraan maleeshiyaadkooda waxay ka qaadan xoriyadii ay haysteen iyaga oo ka mamnuuca inay la xariiraan dadkooda oo ay ugu horeeyaan waalidiintooda,waxaa gacmahooda laga bixiyaa telefanada ay adeegsan jireen si loo waayo nolol iyo geeri Meesha ay ku dambeeyaan.
Dhalinyarada ay marin habaabiyeen khawaarijta ayaa moodaa in mudooyinkii dembe ay aad u fahmayeen dhagartooda taas oo ku dhalinsay inay dib uga soo laabtaan wadadii qaldeen, waxay bilaabeen inay isku soo dhiibaan ciidanka qalabka sida ee soomaaliya.
Bishaar Shardi maxamed iyo Yuusuf Suleebaan Abuurka Jirow waxay ka tirsanayeen khawaarijta Al Shabaab dhawaan ayey isku soo dhiibeen ciidanka xooga iyo kuwa daraawiishta Galmudug waxay ka hadleen dhibaatadii lagu hayey iyaga iyo dhalinyaradii ay ka soo tageen.
Gaashaanle C/raxmaan Nuur Sahal sheekeeye iyo Cabdi-garaad ku xigeenka Guddoomiyaha Wisil ayaa inoo sheegay inay la hadashiiyeen waalidiintooda xubnahaan taasi ay fajac ku noqotay noolasha wiilashooda.
