Maanta oo ku asteysan maalintii loo qorsheeyey in lasoo gaba-gabeeyo doorashada baarlamaanka Soomaaliya ee 15-Mach – Koonfur Galbeed ayaa soo gabagabeysay doorashada dhamaan xubnaha baarlamaanka ee dowladda dhexe ku metelaya deegaanada maamulkaas.
Waxaa maanta Baydhaba lagu qabtay doorashada 7-dii kursi ee u dambeysay xubnaha golaha shacabka ka soo gelaya Koonfur Galbeed.
Related posts
Kursigii Madaxweynaha Koonfur Galbeed Cabdicasiis Laftagareen, ayaa ka mid ah kuraasta maanta lagu doortay Baydhaba waxaana ku guuleystay Jeneraal Mahad Cabdiraxmaan Aadan oo ah Taliyaha ciidanka Asluubta Soomaaliya.
Gudoomiyaha gudigga doorashooyinka Koonfur Galbeed Yuusuf Cabduqadir Maxamed iyo Taliyaha ciidanka Booliiska Soomaaliyeed ahna Gudoomiyaha Gudigga amniga doorashooyinka Qaranka Janaraal Cabdi Xasan Maxamed (Xijaar) ayaa guul ku tilmaamay in kuraastii Koonfur Galbeed ee Golaha shacabka lasoo gabgabeeyo.
Xubnihii maanta la doortay iyo kuraasta ay ku kala guuleysteen ayaa kala ah:
1. HoP# 172 Gen.ย Mahad Cabdiraxmaan Aadan
2. HoP# 179 Maxamed Keeroow Maxamed
3. HoP# 181 Maryan Macalin Isaag
4. HoP# 197 Cumar Cali Balash
5. HoP# 164 Maxamed Abuukar Cabdi
6. HoP# 047 Xaawo Cali Sonkor.
Sidoo kale kursiga HOP#204 oo maanta uu ku soo baxay Isxaaq Cali Subug ayuu guddiga doorashooyinka heer federaal diiday natiijadiisa hordhaca ah.
