Kooxda Arsenal ayaa u soo baxday quarter Finalka koobka FA Cup-ka,ka dib markii ay 2-0 uga badisay kooxda Middlesbrough.
Kooxda Arsenal oo lagu ciyaaryay garoonkeeda Emirates ayaa waxaa qeybtii hore ee ciyaarta labada gool u dhaliyay ciyaaryahan Olivier Giroud.
Kooxda Middlesbrough ayaa horey koobka FA Cup-ka uga soo reebtay kooxda Manchester City.
Kooxda Aston Villa ayaa u soo baxday quarter finalka koobka FA Cup-ka,ka dib markii ay garoonkeeda Villa Park 2-1 uga badisay kooxda Leicester City.
Kooxda Aston Villa ayaa waxaa qeybtii danbe ee ciyaarta labada gool u kala dhaliyay ciyaaryahanada kala ah Leandro Bacuna iyo Scott Sinclair.
Tababaraha cusub ee kooxda Aston Villa Tim Sherwood ayaa tarabuunka ka daawanayay ciyaarta.
Kooxda Bradford City oo ka ciyaarta heerka sedaxaad ee dalka ingriiska,horeyna koobka FA Cup-ka uga soo reebtay kooxda Chelsea ayaa galabta u soo baxday quarter finalka koobka koobka FA Cup-ka,ka dib markii ay 2-0 uga badisay kooxda Sunderland oo ka ciyaarto Premier League-ga.
Kabtanka kooxda Sunderland John O’Shea ayaa bilowgii ciyaarta goolka koowaad ka dhaliyay kooxdiisa.
Ciyaaryahan Jonathan Stead ayaa qeybtii danbe ee ciyaarta goolkalabaad u dhaliyay kooxda Bradford City.
