Kooxda Chelsea ayaa ka faa’ideysan waaysay guul darradii ay xalay la soo gudboonaatay kooxda Manchester City,waxana garoonkeeda Stamford Bridge barbardhac 1-1 ah kula gashay kooxda Southampton.
Kooxda Chelsea ayaa goolka la hor martay,waxaana daqiiqadii 11-aad e ciyaarta u dhaliyay ciyaaryahan Diego Costa.
Kooxda Southampton ayaa isla qeybtii hore ee ciyaarta heshay goolka bareejada,waxaana daqiiqadii 19-aad ee ciyaarta gool rigoore ahaa u dhaliyay ciyaaryahan Dusan Tadic.
Kooxda Chelsea oo kulan u harsanyahay ayaa lix dhibcood ka sareyso kooxda Manchester City oo kaalinta labaad uga jirto horyaalka.
Kooxda Chelsea ayaa horyaalka ingriiska ee Premier League-ga ku hogaamineyso 64-dhibcood,halka kooxda Southampton ay horyaalka uga jirto kaalinta lixaad,iyadoo leh 50-dhibcood.
