Kooxda kubadda cagta FC Dayax Power Supply ayaa ku guuleysatay koobka kooxaha heerka Koowaad ee Xiriirka kubadda cagta degmada Beledweyne oo kaashanaya kan gobolka Hiiraan aay u qabteen 8-koox oo heerka Koowaad ah oo ka dhisan Afarta xaafad ee magaalada Beledweyne.
Tartankaan ayaa waxaa taaba gelisay shirkadda koronta Dayax Power Supply oo kamid ah shirkadaha ka jira magaalada Beledweyne ee xarunta gobolka Hiiraan.
Maayarka magaalada Beledweyne Nadar Tabaax Maalin ayaa koobka guddoonsiisay kooxda FC Dayax, waxeeyna ballan qaaday in tartamo badan oo joogto ah qaban doonaan si sare loogu qaado is-dhaxgalka bulshada.
Guddoomiyaha Ururka kubadda cagta degmada Beledweyne Cabdicasiis Jaaburi iyo Guddoomiyaha Ururka kubadda cagta gobolka Hiiraan Cali Maxamed Cabdi (Cali Shaal) ayaa is badal ku sameeyay sports-ka gobolka Hiiraan gaar ahaan bahda kubadda cagta waxeeyna dib usoo nooleeyeen Horumarka Sports-magaalada Beledweyne.
