Wasaaraddda Warfaafinta dhaqanka iyo Dalxiiska Dowladda Galmudug oo kaashanaysa Hay,adda IRC ayaa tababar socday Muddo 3 Maalin ah Gaalkacyo ugu soo xirtay ilaa 40 Wariye oo isaga kala yimid Degmooyinka Galmudug.
Tababarkaan oo lagu baranayay xaquuqul Insaanka ayaa intii uu socday waxaa ka faa’idaystay Suxufiyiin ka kala socday Magaalooyinka Guriceel , Dhuusamareeb , Xeraale , Caabudwaaq , Cadaado , Hobyo iyo Gaalkacyo.
Xiritaankii tababarkaan waxaa ka qeyb galay Wasiirka Warfaafinta , dhaqanka iyo Dalxiiska Dowladda Galmudug Mudane Abshir Cabdi Shiikhow , Agaasimaha Tababarada ee Wasaaradda Warfaafinta Xasan Cabdiraxmaan Aadan , Agaasimaha Xiriirka Warbaahinta Madaxa banaan ee Wasaaradda Muuse Cabdinuur Maxamuud , Iskuduwaha Degmada Gaalkacyo ee Wasaaradda Warfaafinta Mahad Daahir Maxamed iyo Gudoomiyaha ururka Suxufiyiinta Gobalka Mudug Baashi Cali Xaashi Isduwaha wasaarada warfaafinta ee degmada Xeraale mudane: Mohamed Abdullahi Casqalaani. iyo Agaasiman Warfaafinta iyo Wacyi galinta Bulshada ee Ururka Suxufiyiinta Galmudug ee (Galja) Cabdirisaaq Maxamed Axmed
Wasiirka Warfaafinta Galmudug Mudane Abshir Cabdi Shiikhow oo tababarka soo xiray ayaa kula dardaarmay wariyaasha tababarka ka faa’idaystay in ay shaqadooda ku dabaqaan aqoonta ay kororsadeen sedexdii Maalin ee tababarku socday isagoo u mahadceliyay hay,adda IRC oo tababarkaan qabashadiisa ka gacan siisay Wasaaradda Warfaafinta Galmudug.
