Madaxweynaha Jamhuuriyadda Federaalka Soomaaliya Mudane Xasan Sheikh Maxamuud iyo wafdi uu hogaaminayo oo maanta Gaaray magaalada Dhuusa mareeeb ee gobolka Galgaduud ayaa waxaa lagu soo waramayaa in kulan uu hadda la leeeyahay ergooyinka ka qayb galay shirkii dib u heshiisiinta ee dhawaanahaanba dhuusa mareeb ka socday kaas oo ay ku heshiinayeen qabaailka daga Mudug iyo Galgaduud .
Kulanka ayaa waxaa uu ka socdaa Xarunta Shirarka ee magaalada Dhuusa mareeb waxaana madaxweynaha iyo wafdigiisa loo sameeyay xaflad balaaran waxaana diirada lagu saarayaa kulankaas u socda Madaxweynaha iyo Ergooyinka qabsoomida shirka maamul u sameynta gobolada Mudug iyo Galgaduud kaas oo lagu wado in lagu qabto degmada Cadaado ee Gobolka Galgaduud.
Related posts
Wariyayaasha Warbaahinta Qaranka eee ku sugan Howlka shirku ka socdo ayaa soo sheegaya in hadda ay socdaan khudbado ay soo jeedinayaa qaar ka mid ah ergooyinka iyo mas,uuliyiinta maamulka gobolka Galgaduud waxaa sidoo kale iyana hadli doona oo goobta kula sugan madaxweynaha wasiirka arimaha gudaha iyo federaalka iyo wasiiru dowlaha madaxtooyada xildhibaano iyo mas,uuliyiin kale oo dowladda ka tirsan.
Madaxweynaha Jamhuuriyadda Federaalka ah ee Soomaaliya mudane Xasan Sheikh Maxamuud ayaa horay u tagay magaalada Dhuusa mareeb ee xarunta u ah gobolka Galgaduud bishii February ee sanadkaan halkaa oo uu sadax cisho ku sugnaa isagoo kulamo looga hadlayo aayaha bulshada goboladaas dagta uu kula qaadanayay qaybaha bulshada Mudug iyo Galgaduud qaarkood waxaana lagu wadaa in madaxweynaha iyo mas,uuliyiinta la socotaa ay qayb ka noqdaan furitaanka shirka maamul u sameynta goboladaas oo dhawaan furmi doonna.
