Kulan ay soo qaban qaabiyeen gudigga u ololeeynta iyo xaqiijinta qoondada Haweenka ugu yaraan 30% ee Baarlamaanka Federaalka Iyo Wasaaradda Haweenka Galmudug ayaa maanta lagu qabtay Magaalada Dhuusamareeb.
Waxaa kasoo qeyb galay haweenka katirsan Baarlamaanka Soomaaliya ,Galmudug, Musharaxiinta haween ah ,Xubno ka socday ururada Bulshada Rayadka ee u dooda xuquuqda haweenka.
Ugu horreeyn agaasimaha guud ee Wasaradda Haweenka Galmudug Maxamed Cali Alaale ayaa furay kulanka,isagoo ka waramey Galmudug iyo kuraasta haweenka ee ilaa iyo hataan la doortay.
Sidoo kale qaar ka mid ah ka qeyb galayaasha oo isugu jiray Musharaxiinta haweenka ah iyo Haweenka u ololeeya in fursad loo siiyo Haweenka ayaa ugu baaqay Madaxda Soomaalida ee ka dhabeynta qoondada haweenka.
Ugu dambeyn Batuulo Sheekh Axmed Gaballe, guddoomiyaha Ururka Haweenka Qaranka ahna gudoomiyaha guddigga xaqiijinta qoondada matalaadda Haweenka ee goleyaasha Baarlamaanka Federaalka Soomaaliya ayaa si cad u dul istaagtey in Galmudug ay hoos uga dhacdey qaybtii laga filayay ee qoondada haweenka soo baxay Labada Aqal.
