Kulanka looga hadlayay xoojinta amniga iyo nabad galyada Gobalka Mudug ayaa waxaa ka qeyb galay mas’uuliyiinta maamulka Gobalka iyo degmada, saaraakisha laamaha amniga, la taliyaha Madaxweynaha Galmudug ee dhinaca Ammaanka Jenaraal Cabdi Jaamac Cabdulle iyo Mas’uuliyiinta hay’adaha garsoorka Galmudug iyo odayaasha dhaqanka
Guddoomiye ku-xigeenka Degmada Gaalkacyo Injineer Maxamed Cabdi Cilmi oo ugu horeyn ka warbixiyay ajandaha kulanka ayaa xusay inay tahay adkeynta amniga.
Guddoomiyaha Gobalka Mudug oo isna ka hadlay xaaladda ee gobalka iyo dhibatooyinka xiligaan u baahan in wax laga qabto ayaa ku booriyay laamaha amniga inay dar dargeliyaan xoojinta Nabadgelyada.
Ugu danbeyn waxaa kulanka ka hadlay la Taliyaha dhanka Amniga ee Madaxweynaha Galmudug Jenaraal Cabdi Jaamac Cabdulle Xabeeb iyo Guddoomiyaha Maxkamadda Gobalka Mudug Abuukate Cabdirisaaq Cali Yuusuf, oo fariin culus u diray cid kasta oo qeyb ka ah amni darada magaalada in lagu qaban doono gacan bir ah.
